فروکێن تورکی چوار گوندێن ڤێ دەڤەرێ بوردومان دکەت
ئەڤرو نیوز ، نەوزاد زادە ھلوری:
دەمەک بەریا نھا فروکێن شەرکەرێن تورکی بنیێ قەندیل بوردومان دکەن ، ل گورەی زانیاریێن رێکخراوا وار بو پاراستنا ژینگەھێ .
ھەژار ئیدلیبی سەرۆکێ رێکخراوا وار بو پاراستنا ژینگەھێ بۆ ئەڤرو نیوز گۆت: (دەمەک بەریا نھا فروکێن تورکی دەڤەرا قەندیل بوردومانکر ب تایبەتی دەردورێن گوندێن ” زەرگە ، سورەد ، قرناقە و ئاشان ” سوپاس بو خودێ چوو زیانێن گیانی نینن ، بەلێ زیانێن ماددی ھەنە ژبەرکو نوکە ئەم یێ بەر ب وەرزێ ھاڤینێ و گەرمایێ دچین و ھەر بوردومانەک ژی دبیتە سەدەم کو ئاگر ب دەڤەرێ بکەڤیت و رەز و بیستانێن وەلاتیان بسووژن و کارتێکرنێ ل ژینگەھا دەڤەرێ بکەن )
زێدەتر گۆت: (نوکە گەلەک وەلاتیێن ئەوان گوندان و گوندێن دن دەست ب چاندن و رەز و بیستانێن خوە کریە و تەرش و کەوالی لێ ب خودان دکەن ، ھەر بوردومانەک زێدەباری کو مەترسیە بو سەر گیانێ وان وەلاتیان د ھەمان دەم دا زیانێن زورێن ماددی پشتخوڤە دھێلیت ئەڤە زێدەباری کو زیانێن ژینگەھی ژی ھەنە )
ل گورەی زانیاریێن ئەڤرۆ نیوز پشکەکا زور یا وان گوندان بو مەرەمێن بخودانکرنا تەرش و کەوالی قەستا گوندێن خوە کریە ، ھەتا نڤیسینا ئەڤی نوچەیی ژی بوردومان یا بەردەوامە
