فرۆكه‌كا هه‌ڤپه‌يمانان ل عيراقێ كه‌فته خوار
ئه‌ڤرۆنيوز:
هه‌ڤپه‌يمانيا نێڤده‌وله‌تى راگه‌هاند، فرۆكه‌كا هێزێن هه‌ڤپه‌يمانان ل ده‌ڤه‌ره‌كا چۆل ل عيراقێ كه‌فته خوار و ئه‌ندامه‌كێ تيما فرۆكێ گيانێ خوه ژده‌ستدا.
دياركر ژى كو دو ئه‌ندامێن دى يێن تيما فرۆكێ بريندار بوون وسێ كه‌سێن دى يێن دناڤ فرۆكێ دا هاتن رزگاركرن.
هه‌تا نوكه ئه‌گه‌رێ كه‌فتنا خوار يا وێ فرۆكێ نه‌هاتيه ئاشكراكرن وپشكنين وپێداچوونێ يا ده‌ستپێكرى بۆ زانينا ئه‌گه‌رێ كه‌فتنا خوارا فرۆكێ.
فرۆكنا ناڤبرى ل ده‌مێ ئه‌نجامدانا ئه‌ركه‌كى ل عيراقێ ل دره‌نگيا رۆژا ئێكشه‌مبا كه‌فتيه خوار وچو به‌لگه‌ك نه‌بوو كو روودان ژ ئه‌گه‌رێ دۆژمنكارانه بيت.
