فرۆكێن توركى ده‌ڤه‌را سیده‌كان توپ باران دكه‌ن
ئه‌ڤرۆنیوز:
جاره‌كادى فرۆكێن توركى ده‌ڤه‌را سیده‌كان توپ بارانكر ول دووڤ ژێده‌ره‌كى ل ئێڤاریه‌كا دره‌نگ یا دوهى پێنجشه‌مبى 19 تیرمه‌ها 2018 تاكو دره‌نگى شه‌ڤ، فرۆكێن توركى بۆ جارا دویێ گه‌لیێ خواكوركى ومخاره ل ده‌ڤه‌را سیده‌كانتوپ بارانكر.
هه‌ڤده‌م هه‌لیكوپته‌رێن توركى بلنداهیێن چیایێ دێل ونێزیك گوندێن ده‌شتا هێرتى توپ بارانكر.
جه‌عفه‌ر سلێمان، موختارێ گوندێ بوزێنه بۆ كوردستان تى ڤى گۆت” شه‌ڤا بۆرى هه‌لیكوپته‌رێن توركى گوندێن گه‌رووى كه‌وره‌ت وبێسنۆك وده‌روبه‌رێن چیایێ دێل توپ بارانكر وئاگر به‌ربوو پیش وپاوان ودارستانێن وێ ده‌ڤه‌رێ”.
گۆت ژى” هه‌لیكوپتر وفرۆكێن توركى به‌رده‌وام ده‌ڤه‌رێن خواكورك وشه‌كیو وبلنداهیێن چیایێ دێل وكه‌وره‌ت وچه‌ندین جهێن دى ل ده‌ڤه‌رێ توپ باران دكه‌ن”.
دیاركر” توپ باران هنده‌ك جاران نێزیكى گوندێن لێلكان وهه‌لكێراو وناومێرگان وبوزێنه وكونه‌ره وگوره‌شێر وسیران وخه‌لیفان ل سنورێ ده‌شتا هێرت دهێته كرن وگوللێن توپان ب مالێن گوندێن ده‌ڤه‌رێ دكه‌ڤن ودبنه ئه‌گه‌رێ مه‌ترسیێ ل سه‌ر گیان ومالێ وه‌لاتیان”.
شه‌ر وپێكدادانێن دناڤبه‌را له‌شكرێ تورك وپه‌كه‌كێ ل ده‌مێ سالا بۆرى، زیانێن مه‌زن گیانى ومادى ب خه‌لكێ وان ده‌ڤه‌رێن سنورى گه‌هاندینه.