فرینا فرۆکێن هێلا ئەسمانى یا عێراقی ب سه‌ر ئەسمانێ ئورۆپا دا دهێته قه‌ده‌غه کرن
ئەڤرۆ نیوز ، زنار تۆڤی :
ده‌ستهەلاتا فرۆكه‌ڤانیا ئورۆپا لدووڤ دووماهی خشتێ وان بەلاڤە کری ، فرینا هێلا ئاسمانى یا عێراقی ب سه‌ر ئەسمانێ ئورۆپادا قه‌ده‌غه دکەت.
دەستەیا فرۆكڤانێن عێراقی د به‌یاننامه‌‌كێدا ل 18 خز‌یرانێ راگه‌هاندیه ، ئەڤ قه‌ده‌غه‌كرنه ب ئەگەرێ پشتگوهخستنا وان هۆشداریان بوویه ، یێن كو ده‌ستهەلاتا فرۆكه‌ڤانێن ئورۆپا (EASA) ب رێیا ده‌ستهەلاتدارێن فرۆكه‌ڤانیێ ب كۆمپانیا هێلا ئاسمانى یا عێراقى دای.
هەروەسا گوتیە ، نووكرنا وێ لیستا قه‌ده‌غه‌كرنێ ، كو ل (2018/6/14) هاتیە بەلاڤکرن ، رێکێ ب فرۆكێن هێلا ئەسمانى ددەت كو ژ لایێ لایه‌نێ سییێ ڤە فرۆکێن عێراقێ بهێنە برێڤە برن ، وه‌ك ئه‌وا نوکە كۆمپانیا (ئه‌تله‌س جێت) یا توركى دکەت و پاره‌کێ زۆر ژ وێ هێلێ وه‌رد‌گریت.
وەکو دیار ده‌ستهەلاتا فرۆكه‌ڤانی ل ئورۆپا ل سالا 2015 ب ئەگەرێ كێموکاسیان د پیڤەرێن سلامه‌تیا فرینا فرۆکێن خوە ، هێلا ئەسمانى یا عێراقى ب سه‌ر ئەسمانێ ئورۆپا دا قه‌ده‌غه‌كریە.