فلمه فيستڤالا دهۆك يا نێڤده‌وله‌تى هاته پاشخستن
ئه‌ڤرۆ نيوز، نيوار محه‌مه‌د سه‌ليم:
فلمه فيستڤالا دهۆك يا نێڤده‌وله‌تى راگه‌هاند كو بۆ ئه‌ڤ ساله ژڤانێ فلمه فيستڤالێ هاته پاشخستن و هه‌يڤه‌كێ دێ دره‌نگتر ژ سالێن بۆرى هێته ئه‌نجام دان.
فلمه فيستڤالا دهۆك يا نێڤده‌وله‌تى ل سه‌ر مالپه‌رێ خوه يێ تايبه‌ت ب فيستڤالێ ڤه راگه‌هانديه كو بڕيار بوو ل 9 هه‌تا 16ى ئيلۆنێ دانا شه‌شێ ژ فلمه فيستڤالا دهۆك يا نێڤده‌وله‌تى ب رێڤه بچيت، به‌لێ ژ ئه‌گه‌رێ هنده‌ك كارێن ته‌كنيكى و هۆنه‌رى هاته پاشخستن بۆ 20 هه‌تا 27ى چريا ئێكێ يا ئه‌ڤ ساله.
فلمه فيستڤالا دهۆك سالانه ل ده‌سپێكا ئيلۆنێ ده‌ست ب كارێن خوه دكه‌ت و بۆ ماوێ چه‌ند رۆژان چالاكيێن وێ ل پارێزگه‌ها دهۆكێ ب پشكداريا چه‌ندين فلمێن ناڤخۆ و بيانى دهێنه گێران.