فه‌رمانا ده‌سته‌سه‌ركرنا پارێزگه‌رێ كه‌ركووكێ دهێته ده‌ركرن
ئه‌ڤرۆنيوز:
ده‌سته‌يا ده‌ستپاكيێ ل عيراقێ ئه‌ڤرۆ چارشه‌مبى 19/12/2018 فه‌رمانا ده‌سته‌سه‌ركرنێ بۆ راكان جبوورى پارێزگه‌رێ كه‌ركووكێ ب وه‌كاله‌ت ده‌ركر.
جوان زه‌نگه‌نه، ئه‌ندامێ جڤاتا پارێزگه‌ها كه‌ركووكێ دداخۆيانيه‌كا رۆژنامه‌ڤانى دا گۆت” ل دووڤ پێزانينێن گه‌هشتينه مه، ئه‌ڤرۆ ده‌سته‌يا ده‌ستپاكيێ ل به‌غدا فه‌رمانا ده‌سته‌سه‌ركرنا راكان جبوورى پارێزگه‌رێ كه‌ركووكێ ب وه‌كاله‌ت ده‌ركريه”.
گۆت ژى” راكان جبوورى يێ تۆمه‌تباره ب هه‌ده‌ردانا سامانێ گشتى وده‌ستهه‌لاتێن خوه ل دووڤ قانوونێ ب كارنه‌ئينانه”.
دياركر” ئه‌ڤرۆ دادگه‌ها كه‌ركووكێ ب پشت به‌ستن ب فه‌رمانا ده‌سته‌يا ده‌ستپاكيێ، فه‌رمانا ده‌سته‌سه‌ركرنا جبوورى ده‌ركريه، به‌لێ ژبه‌ركو فه‌رمان ژنوو يا هاتيه ده‌ركرن وئه‌ركان جبوورى مۆله‌ت يا وه‌رگرتى، هه‌تا نوكه ئه‌و فه‌رمانا نه‌هاتيه بجهئينان ونه‌هاتيه ده‌سته‌سه‌ركرن”.