ئۆپه‌راسيۆنا ئه‌ڤرۆ چار هزار پێشمه‌رگه د پشكدارن
ئه‌ڤرۆ نيوز:
فه‌رماندا گشتى يا هێزێن چه‌كدارێن هه‌رێما كوردستانێ به‌ياننامه‌ك به‌لاڤكر و تێدا راگه‌هاند كو نێزيكى ده‌مژمێر 6:00ى 17ى چريا ئێكێ 2016، پرۆه‌سه‌يه‌كا به‌رفره‌ها هێزا پێشمه‌رگه‌ى ل خازرى ل رۆژهه‌لاتا مووسل، ب هه‌ڤكاريا هێزێن سۆپايێ عيراقێ ل گوێر و گه‌ياره ل باشوورێ مووسل ده‌سپێكر وه‌كو قووناغا ئێكێ يا رزگاركرنا مووسل ژ ده‌ستێ تيرۆرستێن داعش.
دايه زانين ژى كو د ڤێ ئۆپه‌راسيۆنێ دا زێده‌تر ژ چار هزار پێشمه‌رگه دێ رابن ب پاقژكرنا گۆندێن ده‌وروبه‌رێن ده‌ڤه‌را خازرى ژ تيرۆرستێن داعش ب گۆره‌ى وێ رێكه‌فتنا د ناڤبه‌را حوكمه‌تا هه‌رێما و حوكمه‌تا عيراقا فيدرال دا هه‌ى.
هه‌ر د ڤێ به‌ياننامێ دا ئاماژه دايه وێ چه‌ندێ ل 16ى چريا ئێكێ هێزێن هه‌ڤپه‌يمانان بۆردۆمانا وان ده‌ڤه‌ران كريه و بڕياره د به‌رده‌وام بن د هاريكاريكرنا هێزێن پێشمه‌رگه‌ى دا.
Approx 4,000 #Peshmerga in multi-pronged op in Khazir, East Mosul, w/ Iraqi Security Forces in Gwer & Gayarra, S.Mosul. v/ @GCPFKurdistan pic.twitter.com/P1HOyPjna5
— Peshmerga News (@PeshmergaNews) October 17, 2016