فه‌رمانده‌كێ ئه‌مريكى: زيانێن ئيرانێ ژ يێن داعش بۆ سه‌ر عيراقێ زێده‌ترن
ئه‌ڤرۆ نيوز:
فه‌رمانده‌كێ به‌رێ يێ هێزێن فره‌ره‌گه‌ز ل عيراقێ ديار دكه‌ت كو ئيران گه‌له‌ك ب مه‌ترسى تره ژ داعش بۆ عيراقێ.
د داخۆيانيه‌كێ دا بۆ رۆژناما لۆڤيگارۆ يا فره‌نسى ژه‌نرال دێڤد پترايۆس فه‌رماندێ به‌رێ يێ هێزێن فره‌ره‌گه‌ز ل عيراقێ، بێ ئۆمێدى و ترسا خوه ل هه‌مبه‌ر ميليشياتێن شيعا دا زانين، كو وه‌لاتيێن سونه ژ جهێن وان ده‌ربخێت و گوهۆڕينێ د ديموگرافيا ده‌ڤه‌رێ دا بكه‌ن، ته‌كست ژى كر كو مه‌ترسيێن ئيرانێ بۆ سه‌ر عيراقێ گه‌له‌ك ژ يێن داعش زێده‌ترن.
ئاشكه‌را ژى كر كو ژ وى ده‌مێ ئه‌مريكا فشار خستيه سه‌ر مالكى ژ ده‌سته‌لاتێ دوور بكه‌ڤيت، ئيرانێ بۆشايه‌كا مه‌زن ژ وى وه‌لاتى گرتيه و گۆت: “مالكى ئه‌و پێنگاڤ هه‌موو لادان يێن ئه‌مريكا دروست كرين دا كو سونى پشكداريه‌كا دروست د حوكمه‌تێ دا بكه‌ن”.
ئاماژه ب وێ چه‌ندێ ژى كر كو باوه‌ريهاتنا سونان ب وێ حوكمه‌تێ گرنتيه كو داعش ژ وى وه‌لاتى ده‌ربێخن.
