فه‌رمانده‌كێ بلند يێ له‌شكرێ ئيرانى هاته كوشتن
ئه‌ڤرۆنيوز:
فه‌رمانده‌كێ بلند يێ له‌شكرێ قودس يێ ئيرانى وهژماره‌كا چه‌كدارێن ميليشيێن ئيرانى ل سووريێ هاتنه كوشتن.
ئاژانسا (ديفاع موقوده‌س) يا سه‌ر ب فه‌رمانده‌يا سه‌رۆكاتيا ئه‌ركانێن له‌شكرێ ئيرانێ ، ئه‌ڤرۆ شه‌مبيێ 16/12/2017 به‌لاڤكر، ليوا مه‌هدى قره محه‌مه‌دى، ئێك ژ فه‌رماندێن بلند يێن له‌شكرێ قودسێ ل رۆژا چارشه‌مبى هاته كوشتن.
ئاژانسا ئيرانى راگه‌هاند ژى” ليوا مه‌هدى قره محه‌مه‌دى ل شه‌رێن دژى ئوپۆزسيۆنا سوورى ل باژێرێ ديرلزۆر ل رۆژهه‌لاتا سووريێ هاته كوشتن”.
ژلايێ خوه‌ڤه ئاژانسا (ئه‌با) يا ئيرانى، به‌لاڤكر” حه‌فت چه‌كدارێن ميليشيێن (فاتميون و زه‌ينه‌بيون) يێن ب سه‌ر له‌شكرێ قودسێ ڤه، ل سووريێ هاتن كوشتن”.
ميليشيا فاتميون، ميليشيه‌كا شيعى ئه‌فغانى يه وميليشيا زه‌ينه‌بيون ژى ميليشيه‌كا شيعى يا پاكستانى يه، ل ده‌ستپێكا شه‌رێ ناڤخوه‌يێ سووريێ، ل بن سيبه‌را له‌شكرێ قودس يێ ئيرانى چووينه سووريێ وبه‌رگريێ ژ رژێما سووريێ دكه‌ن.
