فه‌رمانده‌كێ به‌رنياسێ كورد ل هه‌رێمێ هاته تيرۆركرن
ئه‌ڤرۆ نيوز:
ته‌قه ل فه‌رمانده‌كێ به‌رنياسێ “حدك” ل ده‌ڤه‌را باليسان يا باشوورێ كوردستانێ هاته كرن و كوشت و حزبا وى ديار دكه‌ت كو يێ هاتيه “تيرۆركرن”.
سپێده‌هيا ئه‌ڤرۆ رۆژا چارشه‌مبى 7ى ئادارا 2018ێ ته‌رمێ قادر قادر كادر و ئێك ژ فه‌رماندێن پێشمه‌رگێ حزبا ديموكراتا كوردستانێ “حدك” ل ده‌ڤه‌را باليسان هاتيه ديتن.
ئيبراهيم زێوه‌ى، به‌رپرسێ په‌يوه‌نديێن حدك ل هه‌ولێر بۆ رووداو گۆت: “ل نێزيك هه‌رته‌لا دولا باليسان ته‌قه ل وى فه‌رمانده‌ى هاتيه كرن”.
به‌رپرسێ په‌يوه‌نديێن حدك ل هه‌ولێر دا زانين ژى كو ڤه‌كۆلين د روودانێ دا هاتيه كرن و هووراتيێن بابه‌تى دێ به‌لاڤ كه‌ن.
