فه‌رماندێن له‌شكرى يێن عيراقى وتوركى وئه‌مريكى كۆمبوون
ئه‌ڤرۆنيوز:
فه‌رماندێن له‌شكرى يێن عيراقێ وتوركيا وئه‌مريكا ل باره‌گايێ سه‌رۆكاتيا ئه‌ركانێن له‌شكرێ توركيا ل ئه‌نقه‌ره كۆمبوون.
سه‌رۆكاتيا ئه‌ركانێن له‌شكرێ توركيا دبه‌ياننامه‌كێ دا، ل دووڤ ئاژانسا ئه‌نادۆل يا ده‌نگوباسان يا توركى، دياركر هه‌ر ئێك ژخه‌لوسى ئه‌كار سه‌رۆك ئه‌ركانێن له‌شكرێ توركيا وعوسمان ئه‌لغانمى سه‌رۆك ئه‌ركانێن له‌شكرێ عيراقێ و كوتيس سكاباروتى فه‌رماندێ هێزێن ئه‌مريكى ل ئورۆپا وجوزێف فوتيل فه‌رماندێ فه‌رمانده‌يا ناڤين ل له‌شكرێ ئه‌مريكى، پشكدارى دوێ كۆمبوونێ دا كر.
ل دووڤ وێ به‌ياننامێ، كۆمبوون ل دۆر ره‌وشا ئه‌منى بوو ل ده‌ڤه‌رێ، ب تايبه‌تى ل عيراقێ وسووريێ، زێده‌بارى پێرابوونێن پێدڤى بۆ به‌رهنگاريا رێكخراوێن تيرۆرستى.
