فه‌رهاد ئه‌ترووشی: خه‌لكێ دهۆكێ حه‌ز ژ هه‌لبژارتن و دیمۆكراسیێ دكه‌ت
پشتی پرۆسا هه‌لبژارتنا ب دووماهی هاتی، پارێزگه‌رێ دهۆكێ دپرێس كۆنفرانسه‌كی دا سوپاسیا ده‌زگه‌هێن ئه‌منی و هه‌موو لایه‌نان كر.
ئه‌ڤرو 30-9- 2018سه‌عه‌ت نه‌ه ونیڤ شه‌ڤێ فه‌رهاد ئه‌مین ئه‌تروشی پارێزگه‌رێ دهوكێ وعلی به‌ندی رێڤه‌به‌رێ كومسیونا هه‌لبژارتن وراپرسیێ ل دهوكێ كونگره‌كێ روژنامه‌ڤانی سازكر .
لبه‌راهیێ پارێزگه‌رێ دهوكێ بناڤێ كارگێریا پارێزگه‌هێ سوپاسیا خه‌لكێ پارێزگه‌هێ كر كو ب شێوه‌كێ رێك وپێك وئارام دور ژهه‌رئاریشه‌كێ قه‌ستا ده‌نگدانێ كر وپارێزگه‌ها دهوكێ شیایه وه‌كو جاران رێژا بلند ل سه‌ر ئاستێ پارێزگه‌هێن دی بده‌ستڤه‌بینیت وئه‌ڤه‌ژی وێ دگه‌هینیت كو خه‌لكێ پارێزگه‌هێ حه‌ز ل هه‌لبژارتن ودیموكراسیێ دكه‌ت.
هه‌روه‌سا سوپاسیا هێزێن نافخویی وكومسیونێ وهه‌موو لایه‌نێن پشكداركر كو هاریكاربوینه‌بو سه‌رئێخستنا پروسا هه‌لبژارتنان وخوشحالیا خو دیاركركو چ لایه‌نێن سیاسی تانوكه چ سكالا وگازنده بفه‌رمی تومارنه‌كرینه وئه‌ڤه ژی وێ چه‌ندێ دگه‌هینیت كو هه‌لبژارتن ب شێوه‌كێ رێكخستی هاتینه ئه‌نجامدان .
ل دوماهیێ سوپاسیا ده‌زگه‌هێن راگه‌هاندنێ كر كو رومالا هه‌لبژارتنان كریه وخه‌لك هاندایه كو پشكداریێ تێدا بكه‌ن وسه‌ركه‌فتن بو هه‌موولایه‌كی خواست.
پاش رێڤه‌به‌رێ كومسیونا هه‌لبژارتن وراپرسیێ ل دهوكێ سوپاسیا هه‌موو لایه‌نان كر كو بوینه هاریكار بو سه‌رئێخستنا پروسا هه‌لبژارتنان وئامارێن ده‌ستپێكی به‌رچاڤكرن وگوت(677،797) كه‌سا مافێ ده‌نگدانێ هه‌بویه ژوانا (419،351) كه‌سا ده‌نگێ خو ل (257)بنگه‌ها و(1361) وێزدگه‌ها دا كو دبیته رێژا 62% وگوت خوشحالین چ ئاسته‌نگ نه‌هاتنه پێش وپروسه سه‌ركه‌فتیانه ب دوماهی هات.
