فه‌یسبۆكێ راستڤه‌كرنێن مه‌زن راگه‌هاندن كو دێ كاریگه‌ریێ ل بكارئینه‌ران كه‌ت
ئه‌ڤرۆ نیوز:
كۆمپانیا فه‌یسبۆكێ ئه‌ڤرۆ ده‌ستپێكرنا راستڤه‌كرن و گوهرینان د سێتینگا ئێمناهی و تایبه‌تمه‌ندییا تۆرا جڤاكییا فه‌یسبۆكێ دا راگه‌هاند.
ل گۆری كۆمپانیا فه‌یسبۆكێ ئارمانجا وێ ژ وان راستڤه‌كرنان ئه‌وه كو بۆ بكارئینه‌ران دیتن و تێگه‌هشتنا تایبه‌تمه‌ندیێن فه‌یسبۆكی بساناهیتر بكه‌ت ل شوونا ل 10 به‌شا بچی هه‌تا تشته‌كی دگوهری دێ به‌شه‌كێ تایبه‌ت و ساناهی هه‌بیت.
هه‌روه‌سا فه‌یسبۆك دێ بۆ بكارئینه‌ران ساناهیتر كه‌ت كو بزاڤێن ئه‌پلیكه‌یشنێن دخوازیت زانیاریێن ته یێن تایبه‌ت وه‌رگریت بهه‌لوه‌شینی.
تشته‌كێ نوو ئه‌وه كو تو دشێی زانیاریێن خوه یێن تایبه‌ت یێن ئه‌كاونتا خوه دا ژێببه‌ی یان داونلۆد كه‌ی ب وێ رێیێ دێ زانیاریێن ته پتر د پارستی بن و دێ باشتر شێی دیار كه‌ی كا ته دڤێت كی پۆست و زانیاریێن ته ببینیت و كی نه‌بینیت.
ئه‌ڤ بریارا فه‌یسبۆكێ پشتی وه‌رگرتنا زانیاریێن 50 ملیۆن بكارئینه‌رانه بێ ده‌ستووریا بكارئینه‌ران كو زيان و ره‌خنه ب كۆمپانيێ گه‌هاندبوون، د ڤان هه‌فتییان دا چێدبیت تو پێشنیازێن نوو ژ فه‌یسبۆكی وه‌رگری.
