فوئاد حسێن به‌حس ل سه‌ره‌دانا نيويورك دكه‌ت
ئه‌ڤرۆ نيوز:
سه‌رۆكێ ديوانا سه‌رۆكاتيا هه‌رێما كوردستانێ راگه‌هاند كو د كۆمبوونا گشتى يا نه‌ته‌وێن ئێكگرتى دا، بابه‌تێ رزگاركرنا مووسل ته‌وه‌رێ سه‌ره‌كى يێ كۆمبوونێ بوو، ديسان گه‌له‌ك سۆزێن ئابوورى ژى هاتنه دان.
د. فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ كو د گه‌ل شاندێ عيراقێ چووبوو كۆمبوونا نيويورك يا نه‌ته‌وێن ئێكگرتى راگه‌هاند: د هه‌موو كۆمبوونێن هاتينه ئه‌نجام دان دا بابه‌تێ رزگاركرنا مووسل ته‌وه‌رێ سه‌ره‌كى بوو، به‌لێ هنده‌ك بابه‌تێن دژى هاتينه به‌حسكرن.
سه‌رۆكێ ديوانا سه‌رۆكاتيا هه‌رێما كوردستانێ زێده‌تر گۆت: “پتريا وه‌لاتيێن رۆژئاڤا دێ پشكدار بن و دڤێت بزانن كا دێ شێن چ بۆ ڤى بابه‌تى كه‌ن”.
دا زانين ژى كو ره‌زامه‌ندى ل سه‌ر پلانا رزگاركرنا مووسل هاتيه كرن و هه‌موو لايه‌ن ژى ل سه‌ر د رازى نه، “دێ شه‌ره‌كێ ئێكلاكه‌ر بيت”.
د. فوئاد حسێن به‌حس ل وێ چه‌ندێ كر كو به‌حس ل ئابوورى عيراقێ ژى هاتيه كرن و سوزێن مه‌زن ل سه‌ر ڤى بابه‌تى هاتينه دان.