فوئاد مه‌عسوم: ئه‌ز نه‌مايمه وه‌لاتيه‌كێ بريتانى
ئه‌ڤرۆنيوز:
ل دۆر ده‌ست ژبه‌ردانێ ژپاسپۆت وره‌گه‌زناما بريتانى، سه‌رۆك كۆمارا عيراقێ ئاشكرا دكه‌ت كو پشتى وه‌رگرتنا پۆستێ سه‌رۆك كۆمارى ئه‌و وه‌كو وه‌لاتيه‌كێ بريتانى نه‌مايه.
فوئاد مه‌عسوم، سه‌رۆك كۆمارا عيراقێ بۆ كه‌نالێ (السومريه) گۆت” پێشتر من پاسپۆرتا عيراقى نه‌بوو، له‌وما چوومه بريتانيا وپاسپۆرتا بريتانى ب من هاته دان تاكو ئه‌و ده‌مێ بوويمه سه‌رۆك كۆمار”.
مه‌عسومى گۆت ژى” پشتى دو رۆژان ب تنێ ژ وه‌رگرتنامن بۆ پۆستێ سه‌رۆك كۆمارى، من نامه‌ك وپاسپۆرتا خوه هنارتن باليۆزخانا بريتانيا ومن سوپاسيا وان كر بۆ هاريكاريێ وبه‌خشينا پاسپۆرت وره‌گه‌زناما بريتانى ب من”.
دياركر” من بۆ باليۆزخانا بريتانى رۆهنكر كو ل دووڤ دستوورێ عيراقێ نابيت سه‌رۆك كۆمار خودانێ دو ره‌گه‌زنامان بيت، له‌وما دێ پاسپۆرتا بريتانى بۆ هه‌وه هنێرم وئه‌ڤ چه‌نده ژى ل دووڤ دستوورێ عيراقێ وباوه‌ريا منه وپشتى سێ هه‌يڤان باليۆزخانا بريتانى نامه‌ك بۆ من هنارت وئه‌ز ئاگه‌هداركرم كو ئێدى ئه‌ز وه‌لاتيه‌كێ بريتانى نينم”.
