فڕۆکەیێن ھەڤپەیمانان کارگەھا چێکرنا بۆمبێن داعش وێرانکر
ئەڤرۆ نیۆز، قائید میرۆ
شەڤا بۆری فڕۆکەیێن ھەڤپەیمانان کارگەھا بەرھەم ئینان و چێکرنا ترۆمبێلێن بۆمبەکری یێن تیرۆرستێن داعش ل تاخێ پیشەسازیا باژێڕێ مووسل کرە ئارمانج و د ئەنجام دا ئەف جهه ھاتە تێکدان.
دلشاد مەولوود، بەرپرسێ راگەھاندنا فەرماندا زێرەڤانی بۆ ئەڤرۆ نیۆز راگەھاند: “دەمژمێر 11:30 دەقیقه يا شەڤا بۆری فڕۆکەیێن ھەڤپەیمانان تاخێ پیشەسازی ل باژێڕێ مووسل بوردۆمانکر، کو گرنگترین جھێ تیرۆرستێن داعش بوویە بۆ بەرھەم ئینانا ترۆمبێلێن بۆمبەکری و کارگەھا چێکرنا بۆمبان بوویە.
دلشاد گۆتژی: “فڕۆکەیێن ھەڤپەیمانان ب باشی ئەف جە کریە ئارمانج و زیانێن مەزن گەھشتینە تیرۆرستێن داعش، ھەر شەڤا بۆری فڕۆکەیێن ھەڤپەیمانان تڕۆمبێلەکا داعش ل پشت ئاڤاھیێ بەلافکرنا کارتێن ئاھێن خورانێ ژناڤبریە”.