فۆلكلۆرێ كوردی گەنجینەیە و نابیت دەستكاری تێدا بهێتەكرن
هەرهین محەمەد
سترانبێژ (كۆڤان ئامێدی) د دیدارەكێ دا بۆ رۆژنامەیا ئەڤرۆ گۆت: نوكە دەوات گەلەك كێم بووینە و خەلك دیجەیان ددانن و هندەك ژی بۆ خوە سترانبێژان داخوازدكەن و هندەك جاران ئەز دچمە روینشتنێن تایبەت و ئاهەنگێن رۆژبوونا و سنەتكرنێ و هندەك جاران هەیڤێ دچمە چار پێنچ رۆژبوون و روینشتنان و هەر ئاهەنگەكێ ژی سترانێن خوە یێن تایبەت هەنە و ل روینشتنان ژی گەنجێن مە گەلەك حەزژ سترانێن نوو دكەن و كێم جاران ژی دچمە دیوانا بەرپرسان سترانان دبێژم.
هەروەسا گۆت:: مەرەمام ژچوونا دەواتان نە ژ نەچاری یە، چونكو كاری من ستران گۆتنە و ژبۆ دابینكرنا رزقێ خوە ئەڤی كاری دكەم و ستران گۆتن ژی بۆ من كارەكێ خۆشە و ژبلی ڤی كاری نەشێم چو كارێن دی بكەم و من چ خالێن لاواز نین من و سترانێ ژێكڤەكەن، بەلێ ل سەر ئەڤی دەمی سترانا كوردی یا رەسەن ب لاوازی دهێتە گۆتن.