فەتح و دەولەتا قانوونێ و باسکێ حیکمە دەنگی نادەنە کابینا عەدنان زورفی
ئەڤرۆ نیوز:
ئەندامەکێ دەستەیا گشتی یا باسکێ حیکمە گۆت: کۆمبوونا دناڤبەرا هادی عامری، سەرۆکێ هەڤپەیمانیا فەتح، نوری مالکی، سەرۆکێ هەڤپەیمانیا دەولەتا قانوونێ و عەمار حەکیم، سەرۆکێ باسکێ حیکمە ب دووماهی هاتیە و بریار دایە کو دەنگی نەدەنە کابینا زورفی.
رەحیم عەبودی، ئەندامێ دەستەیا گشتی یا باسکێ حیکمە گۆت، عامری و مالکی و حەکیم رێککەفتینە کو مستەفا کازمی، سەرۆکێ دەزگەهێ هەوالگریا عیراقی بەربژارێ وا سێ ئالیانە بۆ پۆستێ سەرۆکاتیا جڤاتا وەزیرێن عیراقێ، هەروەسا پەرلەمانتارێن فەتح، دەولەتا قانوونێ و باسکێ حیکمە پشکداریێ د چ کۆمبوونێن تایبەت دا ناکەن، ژ بۆ باوەری پێدانێ د کابینا عەدنان زورفی دا.