فەریق جەمال ئێمینکی: پەکەکێ خوە نەڤەکێشایە
ئەڤرۆ نيوز:
سوپاسالارێ پێشمەرگەی راگەھاند، ئەو چەندا دھێتە بەحسکرن کو پەکەکێ یا خوە ژ شنگالێ ڤەکێشای، چو راستی بۆ نینە، چونکو پەکەکە ل بن ناڤەکی دی ل وی سنوری یا مای”.
فەریق جەمال ئێمینکی گۆت ژی” عیراقێ چو ھێز نەئیناینە شنگالێ”.
سوپاسالارێ پێشمەرگەی زێدەتر بۆ وشە گۆت” ھەماھەنگی د ناڤبەرا عیراقێ و پەکەکێ دا یا ھەی و نێزیکی ھزار چەکدارێن یەپەشە، وەکو پشکەک ژ میلیشیێن حەشدا شەعبی، مووچەی ژ حوکمەتا عیراقێ وەردگرن”.
ئێمینکی ئاشکرا ژی کر کو ئەوا ل دۆر شنگالێ د ناڤبەرا عیراقێ و تورکیا و پەکەکێ داھەی، رەنگە تەکتیک بیت و پاشەرۆژا دەڤەرێ ب تمامی یا دیار نینە، لێ مەترسی یا ل سەر شنگالێ ھەی و خەلکێ وێ ژی ھەست ب ترسێ دکەن”.