فەرەنسا دێ هندەك جهێن شوونواری ل ئامێدیێ نووژەن كەت
ئەڤرۆ
قونسلخانا فرەنسا ل هەولێرێ دێ چەند جهێن شوونواری ل سنوورێ دەڤەرداریا ئامێدیێ نووژەن كەت و بۆ ڤێ مەبەستێ ل گەل دو سازیێن فرەنسی ل گەل دڤەردارێ ئامێدیێ گۆتوبێژ كرینە.
وارشین سەلمان دەڤەردارێ ئامێدیێ بو رۆژناما ئەڤرۆ دیار كر، د سەرەدەنەكی دا بۆ دەڤەرا ئامێدیێ، ئولیڤی دیكوتینی، قونسلێ گشتی یێ فەرەنسا ل هەرێمێ و رێڤەبەرێن سازیێن ئێكسپرێنتیز و ئیفكۆ یێن فرەنسی رازیبوونا خوە دیار كریە، كو هندەك جهێن شوونواری نووژەن بكەن و گۆت: «مە هەر دولایان د كۆمبوونەكێ دا بەحسێ چەند بابەتێن گرێدایی دەڤەرداریا ئامێدیێ و ب تایبەت بەرنامێ قونسلخانا فرەنسا و هــەردو سازیێن ئێكسپرێنتیز و ئیفكۆ یێن فرەنسی كرن، ژ بــــۆ نووژەنكرنا هندەك جهێن شوونواری ل دەڤەرا ئامێدیێ».
گۆتژی: «مە پشتی كۆمبوونێ ل گەل قونسلێ گشتی یێ فـــەرەنسا ل هەرێمێ سەرەدانا چەندین جهێن شوونواری كرن و شانـــــدێ فەرەنسی خوەشحالیا خوە ب دیتنا ڤان جهان نیشا دا».
