فەرە سترانبێژ گرنگیێ ب سترانێن فولكلۆری بدەن
بێوار حەمدی
سترانبێژ (عومران كجو) د دیدارەكێ دا بۆ رۆژنامەیا ئەڤرۆ گۆت: كاروانێ دگەل سترانگۆتنێ یێ بەردەوامە، لێ پتر ئەز دچمە ئاهەنگ و شەهیانان و ئەز گەلەك حەزژ گۆتنا سترانێن ئەڤینی دكەم.
هەروەسا گۆت: ژبەر نەبوونا دەمی و پشتەڤانیێ هەتا نوكە دەلیڤە نەبوویە هندەك كلیپان چێكەم، هەروەسا ل ئاهەنگان ژی پتر سترانێن سترانبێژێن بەرنیاس دبێژم دا بشێم جهێ خۆ دناڤ دلێ خەلكی دا بكەم، بۆ زانین ل شەهیانان گەلەك پارە بۆ من پێڤە ناهێن، لێ ژبەر حەزا منا زێدە بۆ سترانگۆتنێ ئەز یێ بەردەوامبم و من ل بەرە هندەك سترانێن فولكلۆری بێژم، چنكو فەرە سترانبێژ گرنگیێ ب سترانێن فۆلكلۆری بدەن.
