قاسم شەشۆ: ھێزێن عیراقێ ناھێنە د ناڤ مەزارگەھێ شەرفەدین دا
ئەڤرۆ نيوز:
فەرماندێ فەرماندەیا شنگال یا پێشمەرگێ کوردستانێ راگەھاند، کو چو ھێزێن عیراقی ناھێنە د ناڤ مەزارگەھێ شەرفەدین دا.
قاسم شەشۆ بۆ رۆژناما ئەڤرۆ ئاشکرا ژی کر، کو دوھی سپێدێ ھێزا حەشدا شەعبی دخواست بھێتە د ناڤ مەزارگەھێ شەرفەدین دا، لێ وان داخواز ژێ کر کو ئەڤە جھەکێ ئاینی یێ پیرۆزێ ئێزدیانە و ئەو دخوازن ئەو ب خوە بپارێزن، لەورا نەھاتنە د ناڤ دا.
ل دۆر خوەڤەکێشانا PKK ژ شنگال، قاسم شەشۆ دیار کر کو خوەڤەکێشانا PKK ژ شنگال سیناریۆیە و چو راستی بۆ نینە و ب تنێ ئالایێن خوە یێن ئیناینە خوار و چەکدارێن وان ھەر یێن ماینە د ناڤ دا.