قاسم شەشۆ به‌حس ل ره‌وشا نوكه يا شنگال دكه‌ت
ئەڤرۆ نيوز، لەزگین جۆقی:
کارگێری لقێ ١٧ پارتی و فەرماندێ پێشمەرگەیێن ئێزدێ ل چیایێ شنگالێ، قاسم شەشۆ تایبەت بۆ ئەڤرۆ نيوز دیارکر کو ئەڤە دو رۆژن تیرۆرستێن داعش نەشیاینە چو لڤین وبزاڤێن خوە ل دەڤەرا شنگال ئەنجام بدەن، ئەڤە ژی وێ چەندێ دگەھینيت کو چەکدارێن داعش شیانێن ھێرشکرنێ نەمایە ل شنگال.
قاسم شەشۆ ئەو ژی خۆیا کر کو نوکە ئەو چاڤەرێ گەھشتنا ھێزەکا مەزن يا پێشمەرگێ كوردستانێ دکەن بۆ چیایێ شنگال دا کو دەست ب ھێرشکرنا سەر شنگال بکه‌ن و گۆت: “ئەم یێ د وێ باوەريێ دا، دێ زۆر ب ياناهى شیێين شنگال کۆنترۆل کەين، چونکو چەکدارێن داعش ھیێز نەمایە”.
زێده‌تر گۆت: “ئەڤە دو رۆژن چو لڤینان ژی ناکەن، ئانکو نه‌شێن وەکو بەرێ ھاتنوچوونێ د ناڤ شنگال دا بکەن و بەردەوام مەفرەزێن مە دھێنە دانان”.
شه‌شۆى دا زانين ژى كو ڤان رۆژێن بۆری ھێزێن پێشمەرگەى یا شیایی زیانێن مەزن بگەھیننە چەکدارێن داعش و گۆت “نوکە داعش يا بەر ب نەمانێ دچیت، ئەو ھێزا جاران ژی نەماینە”.
