قانوونا چاكسازى د خانه‌نشينى و مووچه و ده‌رمالان دا هاته په‌سه‌ند كرن
ئه‌ڤرۆ نيوز:
پرۆژێ قانوونا “چاكسازى د خانه‌نشينى و مووچه و ده‌رمالان دا” د 20 ماددان دا بۆ چاكسازى د وارێ مووچه و خانه‌نشينى، ب بڕيارا ژماره 129 يا جڤاتا وه‌زيران په‌سه‌ند كر و دێ ره‌وانه‌ى په‌رله‌مانێ كوردستانێ هێته كرن.
ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ راگه‌هاند كو پيرۆژێ قانوونێ ميكانيزما ئاشكه‌را بۆ هاتيه دانان و ب گۆره‌ى بڕيارێ كو ئيمزا نێچيرڤان بارزانى، سه‌رۆكێ حوكمه‌تا هه‌رێما كوردستانێ ل سه‌ره و د 90 رۆژێن ئێكێ يێن سالا دارايى 2018 دڤێت بكه‌ڤيته وارێ بجهئينانێ. پرۆژه كو پرۆژه‌كێ هه‌ڤپشك يێ حوكمه‌ت و په‌رله‌مان و دامه‌زراوێن چاڤدێريێ و ده‌سپاكى و داخوازكه‌ريا گشتى و شورايه.
سكرتێرێ جڤاتا وه‌زيران ل هه‌رێما كوردستانێ دبێژيت: “ب هيڤى مه د ڤێ قووناغا قانوون دانانا په‌رله‌مانێ كوردستانێ زوو بهێته بجهئينان و ژ وێ گرنگتر ژى بجهئينانا وێ ژ لايێ هه‌موويان، هه‌تا كو دادپه‌روه‌رى بهێته سه‌پاندن و ئێدى مووچه‌خۆرێن شايسته نه‌بنه قوربانى ئه‌وێن ب نه‌ره‌وايى ژ پارێ گشتى مفادار دبن كو ب مخابنى ڤه ب هنده‌ك قانوونێن ره‌وا رێ پێ هاتيه دان.
