قانوونه‌كا تايبه‌ت ب پاشكه‌فتكرنا مووچه‌ى دێ چيته په‌رله‌مانى
ئه‌ڤرۆنيوز:
جێگرێ سه‌رۆكێ په‌رله‌مانێ كوردستانێ ئه‌ڤرۆ ئێكشه‌مبى 17/12/2017 ئاشكراكر كو حوكمه‌تا هه‌رێما كوردستانێ يا پرۆژه قانوونه‌كا تايبه‌ت ب پاشكه‌فتكرنا مووچه‌ى ئاماده دكه‌ت.
جه‌عفه‌ر ئێمينكى، جێگرێ سه‌رۆكێ په‌رله‌مانێ كوردستانێ راگه‌هاند” ل ده‌مه‌كێ نێزيك ئه‌و پرۆژه قانوونه دێ هێته په‌رله‌مانێ كوردستانێ كو پێك دهێت ژ 30 ماده‌يان كو دتايبه‌تن ب چاكسازيا مووچه‌ى ڤه وب چه‌ندێ ژى دێ گرفتێن دارايى هێنه چاره‌سه‌ركرن”.
ئێمينكى زێده‌تر بۆ دوارۆژ گۆت” ئه‌م دشێين داهاتى زێده بكه‌ين ومه‌زاختيان ژى كێم بكه‌ين، دشيانێن حوكمه‌تێ ژى دايه مووچه‌ى وه‌كو نوكه بده‌ت وزێده‌تر هاريكاريا پێشمه‌رگه‌ى ژى بكه‌ت”.
ئاماژه دا” پاشكه‌فتكرنا مووچه‌ى دێ هه‌موو پله‌دارێن ئاسايشێ وجڤاتا ئاسايشێ ووه‌زاره‌تا پێشمه‌رگه ڤه‌گريت، به‌لێ ده‌ستكارى دمووچێ پێشمه‌رگه وكارمه‌ندێ ئاسايشێ يێ ئاسايى ناگريت”.
