قاوه‌خانه‌یه‌كا رۆشه‌نبیرى و كه‌لتورى هاته ڤه‌كرن
ئه‌ڤرۆ نیوز ، نه‌وزاد هلۆرى:
ب به‌رهه‌ڤبوونا كومه‌كا نڤیسه‌ر و ره‌وشه‌نبیر و چالاكڤانێن سنوورێ ناحیا شێلادزێ و دێره‌لوك ، بو ئێكه‌مین جار قاوه‌خانه‌یه‌كا رۆشه‌نبیرى و كه‌لتوورى ل ناحیا شێلادزى َهاته‌ڤه‌كرن كو دێ گرنگیێ ب چالاكیێن ره‌وشه‌نبیرى و هونه‌رى و ئه‌ده‌بى و كه‌لتورى ده‌تن.
سه‌فه‌ر شاجى خودانێ قاوه‌خانا رۆشه‌نگه‌هـ ل شێلادزێ بو ئه‌ڤرۆ نیوز گۆت: (ڤه‌كرنا قاوه‌خانا رۆشه‌نگه‌هـ ل شێلادزێ پێنگاڤه‌كا گرنگه و داكو نڤیسه‌ر و هونه‌رمه‌ند و رۆه‌شه‌نبیرێن ده‌ڤه‌رێ كومبكه‌ت و مل ب ملێ ده‌م بوراندن و ڤه‌خوارنا چایه‌كا خوش چالاكیێن هونه‌رى و رۆشه‌نبیرى و هزرى و ئه‌ده‌بى و كه‌لتورى ژى ئه‌نجام بده‌ن)
زێده‌تر گۆت: (ل قاوه‌خانا رۆشه‌نگه‌هـ په‌رتوكخانه‌كا تایبه‌ت ژى هاتیه دانان بو خوێ،ده‌ڤانان و هه‌ر كه‌س دكاریت په‌رتوكان ل ڤێره بخوینیت و ببه‌ت مال یان ژى ب بهایه‌كێ كێمتر و گونجاى بكریت)
حه‌مید رێكانى ئێكه ژ ره‌وشه‌نبیرێن ده‌ڤه‌رێ دیاركر كو ڤه‌كرنا قاوه‌خانه‌یه‌كا رۆشه‌نبیرى و كه‌لتوورى ل شێلادزێ ده‌ستپێكه‌كا گرنگه و بۆ ئه‌ڤرۆ نیوز گۆت: (جیهانا په‌رتووكێ جیهانه‌كا ساره به‌لێ ژیان و مانا ل گه‌ل په‌رتوكێ یا گه‌رمه ، و قاوه‌خانا ناڤبرى ل شێلادزێ دێ تا راده‌یه‌كێ باش شێت حه‌زێن گه‌نجان پر كه‌ت).
كاوه محه‌مه‌د كو ئێكه ژ نڤیسه‌رێن شێلادزێ ئه‌وى لسه‌ر ڤه‌كرنا قاوه‌خانا روشنگه‌هـ ل شێلادزێ بۆ ئه‌ڤرۆ نیوز گۆت: ( ڤه‌كرنا قاوه‌خانا ناڤبرى ل شێلادزێ زێده‌تر بو وێ یه‌كێ یه كو ره‌وشه‌نبیر و نڤیسه‌ر و چاكلاڤان و ئه‌ده‌بڤانێن ده‌ڤه‌رێ چالاكیێن جوداجودا ئه‌نجام بده‌ن و كوم ببن و هزر و بیرێن خوه ل ئێك و دوو بگوهرن).
