قه‌زا به‌رده‌ره‌ش : زێده‌ترى 40 ماموستا ژكار هاتینه لادان
به‌رده‌ره‌ش ، بێوارحسێن زێبارى :
رێڤه‌به‌رێ په‌روه‌ردا قه‌زا به‌رده‌ره‌ش دده‌ته دیاركرن كۆ د سێ مه‌هێن بووری دا زێده‌ترییا 40 ماموستایێن سنورێ وێ قه‌زایێ ژكار هاتنه لادان و زێده‌تر 60 دن ژى داخازا مووله‌تا بێ مووچه كریه و خوه به‌رهه‌ڤكریه كۆ بچن بۆ ده‌رڤه‌ى وه‌لاتى .
غازى ره‌مه‌زان رێڤه‌به‌رێ په‌روه‌ردا قه‌زا به‌رده‌ره‌ش بۆ ئه‌ڤرۆ نیۆز گوت : سنۆرێ قه‌زاى ئه‌ڤه بۆ ده‌مێ سێ هه‌یڤانه كۆ زێده‌تریا 40 ماموستایان ژكار هاتنه لادان و ئه‌گه‌رێ وان ژى ئه‌وه كۆ هنده‌ك ل باژێرێ مووسل ماینه و هنده‌كێن دى ژى چووینه ده‌رڤه و نه‌زڤرینه ڤه هه‌روه‌سا ل سه‌ر ماوێ وان ڤه چوویه و ب فه‌رمی ژ په‌روه‌ردێ هاتنه ژكارلادان .
غازى گوت ژى: سه‌باره‌ت كاودانان كۆ رۆژ ب رۆژ قه‌یران په‌یدابووینه، بووينه سه‌ده‌مێ لاواز بوونا كاران لێ ماموستایێن مه ژى داخازا مووله‌تى دكه‌ن بچن ده‌رڤه‌ى وه‌لاتى ئه‌و ژى رۆژانه دهێن بۆ په‌روه‌ردێ هنده‌ك ژ وان هاتینه په‌سه‌ندكرن وهنده‌ك دى ژى هێشتا نه‌هاتیه په‌سه‌ندكرن، دیسان هژماران وان ماموستایان ژى كۆ زێده‌تریا 60 ماموستانه و ئه‌ڤ دبیته كارتێكرن ل سه‌ر پرۆسا خاندنێ ل ده‌ڤه‌رێ .
