قوباد تالەبانی ھێلا کورەک ل خەلکێ سلێمانيێ دبڕیت

ئەڤرۆ نیوز، نەوزاد ھلۆری:

کومپانیا کورەک تیلیکوم بو خزمەتنێن پەیوەندی و ئەنترنێتێ دیارکر کو ئەوان سکالا قانونی لسەر سەرۆکێ لیستا ئێکەتیا نیشتمانی تومارکریە و ب برینا خزمەتگوزاریێن موبایلێ لسەر خەلکێ سلێمانیێ تومەتبار دکەت.

کورەک تیلیکوم د راگەھاندنەکێ دا کو لسەر پێگەھێ تایبەتیێ تورێن کومەلایەتی بەلاڤکریە ، و دیاردکەت کو قوباد تالەبانی دویر ژ قانونی رابوویە ب برینا پەیوەندی و خزمەتگوزاریێن موبایلێ بو وەلاتیان ل سنوورێ سلێمانیێ، و وی بو دابینکرنا پێدڤیێن کەمپینا ھەلبژاردنان بزاڤکرینە کو خزمەتگوزاریێن موبایلێ ل کورەک تیلیکوم ل دەردورێن فروکخانا سلێمانیێ ببریت ، کو ئەڤ یەک ژی دویرە ل کارێن قانونی و داخوازیێن خەلکی.

کورەک د درێژاھیا راگەھاندنا خوە دا دیاردکەت کو وەکو ھەستکرن ب بەرپرسیارەتیێ و ل ئاست دابینکرنا خزمەتگوزاریان بو خەلکێ سلێمانیێ نەرازیبونا خوە دگەھینین و ئاگەھداریا قوباد تالەبانی ژی دکەین کو ئەوان ب رێیا دادنوسی ب شێوەیەکێ قانونی رەفتار ل گەل ئەڤی بابەتی کریە و دادنوس ژی ب نڤیسارا (2813/112) لرۆژا 18-9-2018 ھوشداری دایە ئاسایشا فروکخانا سلێمانیێ و ئاگەھدارکرینە بو دووبارە بوونا ڤێ یەکێ ، بەروڤاژی دێ پێرابوونێن قانونی گرنەبەر.

کۆمێنتا تە