قوتابيه‌كا جه‌زائيرى ماسته‌رى ل دۆر خه‌باتا سياسى وله‌شكرى يا پارتى بده‌ستڤه‌دئينيت
ئه‌ڤرۆنيوز:
قوتابيه‌كا جه‌زائيرى ناما ماسته‌رێ ل دۆر خه‌باتا سياسى وله‌شكرى يا پارتى ديموكراتى كوردستان ژزانكۆيه‌كا جه‌زائيرى وه‌رگرت.
عه‌قيله حزرللا، دياركر” ژبه‌ر حه‌زژێكرنا من بۆ ديرۆكا هه‌ڤچه‌رخ ب شێوه‌كێ گشتى، به‌لێ ژبه‌ركو پرسا كوردى ل رۆژهه‌لاتا ناڤه‌راست ب تايبه‌تى سه‌رنجا من راكێشايه وديرۆكا كوردى يا نوو بابه‌ته‌كێ گرنگه وپێدڤيه هێشتا ڤه‌كۆلين ل سه‌ر بهێنه ئه‌نجامدان.
گۆت ژى”من ناما خوه يا ماسته‌رى ب ناڤێ خه‌باتا سياسى وله‌شكرى يا پارتى ديموكراتى كوردستان يا عيراقى دناڤبه‌را 1946 – 1968 پێشكێشى زانكۆيا (محه‌مه‌د خيزه‌ر) ل باژێرێ بسكره ل باكوورێ جه‌زائيرێ كر، ژبه‌ركو ئه‌و حزبه هه‌لگرا دوزا كوردى يه ل عيراقێ وژبه‌ر ڤێ چه‌ندێ من وه‌كو بابه‌تێ ناما خوه يا ماسته‌رێ هه‌لبژارت”.
دياركر ژى كو مه‌ره‌ما وێ ژ هه‌لبژارتنا وى بابه‌تى ئه‌و كو دخواست زانكۆيا وێ ووه‌لاتيێن جه‌زائيرى پتر پێزانين ل سه‌ر پرسا كوردى هه‌بن.
