قوتابیه‌كى پشتى ئه‌زموونێ گیانێ خوه ژ ده‌ست دا
ئەڤرۆ نیوز٬عەلی حاجی :
ئەڤرۆ ئێكشەمبێ ۱۹/٥/۲۰۱۹ ل تاخێ شقا ل باژێرێ زاخۆ ترومبێلەک ل زارۆیەکێ قوتابی ددەت و ل نەخوه‌شخانا زاخۆ گیانێ خوە ژدەست دەت .
ئەمیر عەلی، ژ راگەهاندنا ساخلەمیا زاخۆ بۆ ئەڤرۆ نیوز دیار کر ل قوتابخانا زێبار ل تاخێ شقا پشتی قوتابیەک بناڤێ (ئەیمەن سەردار حاجو) كو ژیێ وى 10 سال بوون، پشتی ژ ئەزمونا خوە خلاس دبیت و دهێتە بەر دەرگه‌هێ قوتابخانێ ب مەرەما هندێ قەستا ترومبێلێ کەت ژجورێ کوستەر دا کو ڤەگەریتە مال؍ ژبەری بچیتە دناڤ کوستەرێ دا دمینیتە دناڤبەرا دو کوستەران دا و بریندار دبیت ؍ پشتی بلەز وی زاروکی دگەهیننە نەخوه‌شخانا زاخۆ پشکا هاوارهاتنێ؍پشتی چەندین بزاڤان ژلایێ نوشداران ڤە، ب مخابنی ڤە ئەو زاروکە گیانێ خوە ژدەست دەت .
ل گۆرەی پێزانینان، ئەیمەن سەردار قوتابیێ پولا چارێ بۆ ل قوتابخانا زێبار هەر ب هەمان ترومبێلا کوستەرێ هاتنوچوونا مال دکر.