قوتابیەکێ کولێژا ئیشق سه‌ر ب په‌روه‌ردا سێمێل ڤه مەدالیا برونزی ل ئەفریقیا ب دەستخوڤە ئینا
ئه‌ڤرۆنيوز:
قوتابیەکێ خەلکێ دھوکێ مەدالیا برونزی ل ئەفریقیا ب دەست خوڤە ئینا كو پشكدارى دئولومبياته‌كا زانستى يا نێڤ ده‌وله‌تى دا كربوو.
كارگێريا كوليژا ئيشق سه‌ر ب په‌روه‌ردا سێمێلێ ڤه بۆ ئه‌ڤرۆنيوز دياركر كو قوتابی ( محمد دلشاد یونس ) ل کولێژا ئیشق دھۆک يا سه‌ر ب په‌روه‌ردا سێمێل ڤه، ل پولا نەھێ بنەرەتیە ، پشكدارى کريه د ئولومپیاتەکا نێڤ دەولەتی یا زانستی دا ل وەلاتێ بوتسوانا ل ئەفریقیا ودناڤبەرا ٦٠ وەلاتان دا پلا سیێ و مەدالیا برونزی ب دەستخوه‌ڤه‌ئينا،
ئاماژه‌كر ژى كو قوتابيێ ناڤبرى بو ده‌مێ ٦ هه‌يڤان خواندیە و خو ماندی کریە ژبو وێ چەندێ کو ناڤێ کوردستانێ و ئالایێ کوردستان دناڤ ئالایێن جیھانێ بلند بیت ، ھەروەسا خەرجیێن ڤێ ئولومپیاتی ل سەر حوكمه‌تا بوتسوانا بوو کو تێدا ٣ قوتابی ژ دھوکێ ب نوونەراتیا کوردستانێ پشكدار ببوون ، کو قوتابینە ل کولێژا ئیشق ل دھوکێ.
