قونسولێن وه‌لاتان ل دۆر ریفراندوما هه‌رێمێ هاتنه ئاگاداركرن
ئه‌ڤرۆ نیوز:
پارتى و ئێكه‌تى ئه‌ڤرۆ ل گه‌ل قونسولێن وه‌لاتێن بیانى ل هه‌رێمێ كۆمبوون و تێدا په‌یاما ریفراندومێ گه‌هانده وه‌لاتێن بیانى ل هه‌رێما كوردستانێ.
د. رۆژ نوورى شاوه‌یش ئه‌ندامێ مه‌كته‌با سیاسى یا پارتى د كۆنگره‌كێ رۆژنامه‌ڤانى دا دیاركر: مه په‌یاما خوه سه‌باره‌ت ریفراندۆمێ گه‌هانده قونسولێن وه‌لاتان ل هه‌رێمێ، سه‌باره‌ت چاوانیا ئه‌نجامدانا ریفراندومێ، مه داخواز ژى ژێ كر كو پشته‌ڤانیا ریفراندومێ بكه‌ن بۆ وێ یه‌كێ گه‌لێ كورد چاره‌نڤیسێ خوه دیار بكه‌ت.
د. رۆژ نوورى شاوه‌یش ئاماژه ب وێ یه‌كێ ژى دا” مه بۆ قونسولان دیاركر كو مه سه‌ره‌دانا هه‌موو وان حزبان كریه یێن بۆ ریفراندومێ د به‌رهه‌ڤ و هه‌موو ژى د ئاماده د چارچووڤێ پێكئینانا لژنه‌كێ دا كار بۆ ریفراندومێ بكه‌ن”.
