قۆناغا دویێ یا بایومه‌تریێ دێ كێشا دو مووچه‌یێ و سێ مووچه‌یێ چارەسەر كه‌ت
ئەڤرۆ نیوز:
جێگرێ سه‌رۆكێ لژنا ده‌ستپاكیێ ل په‌رله‌مانێ كوردستانێ راگه‌هاند، ل قۆناغا ئێكێ یا بایومه‌تریێ ئه‌و كه‌سێن هاتینه ده‌ستنیشان كرن یێن پتر ژ مووچه‌كى وه‌ردگرن، نوکە قوناغا دویێ ده‌ستپێكریه و ئه‌و كه‌سێ ژ مووچه‌كى زێده‌تر هه‌بیت دێ ژێ هێته برین و ئه‌گه‌ر ب نه‌قانوونى وه‌ربگریت دێ لێپرسین ل گه‌ل هێته كرن.
سه‌عید مسته‌فا هه‌ركى گوت ژی، د قوناغا ئێكێ یا بایومه‌تریێ دا، دیاربوو کو زێده‌تر ژ سه‌د و شه‌ش هزار كه‌سان زێده‌تر ژ مووچه‌كى وه‌ردگرن، لێ نوکە قۆناغا دویێ ده‌ستپێكریه و ئه‌ڤ كێشه دێ هێته چاره‌سه‌ركرن.
جێگرێ سه‌روكێ لژنا ده‌ستپاكى دیاركر ژى، ئه‌وێ ژ مووچه‌كى زێده‌تر هه‌بیت دێ ژێ هێته برین، ئه‌گه‌ر نه‌قانوونى بیت دێ لێپرسین ل گه‌ل هێته كرن، چونكى نابیت ژ ئێك مووچه زێده‌تر بهێته وه‌رگرتن، ب ڤێ چه‌ندێ دێ داهاته‌كێ باش بۆ حكومه‌تێ زڤریت.