قەدەغەیا هاتنوچوونێ ل سەرانسەری دهۆکێ هاتە راگەهاندن
ئەڤرۆ نیوز:
ئەڤ شەڤە فەرهاد ئەترۆشی پارێزگارێ دهۆکێ د کۆنگرەکێ رۆژنامەڤانی دا راگەهاند، ل دەمژمێر ١٢ دێ قەدەغەیا هاتنوچوونا سەرانسەری ل دهۆکێ هێتە راگەهاندن.
دیار کر ژی، بریار دێ هاتنوچوونا ترۆمبێلان و وەلاتینان ڤەگریت و گۆت ژی، دەمژمێر ئێکێ شەڤێ هەتا شەشێ سپێدێ دێ هاتنوچوون سنوردار بیت، لێ دێ دەرمانخانە و نەخۆشخانێن ئەهلی و حکومی د ڤەکری بن.
ناڤهاتی گۆت ژی، سەمونخانە و فرن و جهێن ئازوقەی، قەسابخانە و جهێن فرۆتنا فێقی و کەسکاتی دێ ڤەکری بن و ناهێنە داخستن.
گۆتیە ژی، هاتنوچوون بۆ رۆژنامەڤانان ئاساییە، لێ پێدڤیە ناسناما کارێ وی دەزگەهێ لێ کاردکەت ڤێ هەبیت، هەر کەسەکێ کارەکێ گرنگ هەبیت دشێت رەزامەندیا لیژنا پارێزگەهێ بۆ خوە وەربگریت، ئەڤ قەدەغەیا هاتنوچوونێ دێ بۆ پێنج رۆژان بیت، هەکە پێدڤی بکەت، دێ هێشتا درێژ تر لێکەن.