قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
دوهی ئێكشەمبی 16/3/2025، سەرۆك مەسعود بارزانی ل سالڤەگەرا 37 یا كێمیابارانكرنا هەلەبجە پەیامەك ل تۆرا جڤاكییا ئێكس بەلاڤكر.
دەقێ پەیاما سەرۆك بارزانی:
ئازارا تاوانا كێمیابارانكرنا هەلەبجە هەتا هەتایێ دێ دناخ و دلێ هەر كوردستانییەكی دا مینیت و ناهێتە ژبیركرن. بەرپرسیارەتییا وێ تاوانا دژی مرۆڤایەتیێ و ئەنجام و شوونوارێن وێ، هەتا قەرەبووكرنا كەسوكارێن قوربانییان، ئەركێ دەولەتا ئیراقێ یە. ل سالڤەگەرا 37 یا كارەساتا تۆببارانكرنا هەلەبجە ب چەكێ كیمیاوی سلاڤان بۆ گیانێ پاقژ یێ شەهیدێن هەلەبجە و مالبات و كەسوكارێن شەهید و بریندارێن وێ تاوانێ د هنێرین.
