كاره‌با عيراقێ ووه‌لاتێن كه‌نداڤى دێ پێكڤه هێته گريدان
ئه‌ڤرۆنيوز:
وه‌زاره‌تا كاره‌بێ وئاڤێ ل كوێتێ راگه‌هاند، رێككه‌فتن ل گه‌ل عيراقێ هاتيه كرن بۆ گرێدانا كاره‌با عيراقێ ب سيسته‌مێ كاره‌با وه‌لاتێن كه‌نداڤى ڤه.
جاسم ئه‌لنورى بريكارێ وه‌زاره‌تا كاره‌بێ وئاڤێ يا كوێتى پشتى سه‌ره‌دانا باژێرێ به‌سرا يێ عيراقى كرى، بۆ ئاژانسا ده‌نگوباسێن كوێتى (كونا) گۆت” گرێدانا كاره‌با عيراقێ ب وه‌لاتێن كه‌نداڤى ڤه مفايێن ته‌كنيكى وئابوورى بۆ هه‌نه وچه‌ندين هۆكار يێن هه‌ين بۆ سه‌ركه‌فتنا ڤى پرۆژه‌ى ب تايبه‌تى نێزيكيا رێكێ دناڤبه‌را پارێزگه‌ها به‌سرا يا عيراقى وده‌وله‌تا كوێتێ”.
پارێزگه‌رێ به‌سرا، ئه‌سعه‌د عيدانى پێشوازى ل ده‌ستپێشخه‌ريا كوێتێ كر بۆ گرێدانا كاره‌با عيراقێ ب سيسته‌مێ كاره‌با كه‌نداڤى ڤه و گۆت”پێنگاڤه‌كا ئه‌رێنى يه به‌ر ب هه‌ڤكاريه‌كا هه‌ڤپشك دكه‌رتێ كاره‌بێ دا وئه‌ڤ چه‌نده دێ بيته ئه‌گه‌رێ جێگيربوونا كاره‌بێ ل عيراقێ”.
