كرياريێن تيرۆرستى 61% زێده‌بووينه
ئه‌ڤرۆ نيوز:
د ڤه‌كۆلينه‌كێ دا ديار دبيت كو ژ سالا 2012 و 2013 رێژا تيرۆرێ ب 61% زێده‌بوويه و ب گۆره‌ى ڤێ ڤه‌كۆلينا په‌يمانگه‌ها ئابوور و ئاشتى ئه‌نجام دايه جيهان سالا 2013 روو ب روو ب ده‌هان هزار كريارێن تيرۆرستى بوويه و ب رێژا 44 ژ سه‌دێ ل گه‌ل سالا به‌رى وێ.
هه‌ر د ڤێ راپۆرتێ دا هاتيه كو گرۆپێن ده‌وله‌تا ئيسلامى و بۆكۆ حه‌رام و تاليبان به‌رپرسێن سه‌ره‌كى يێن كريارێن كوشتنێ نه كارتێكرنا وان كريارا ب رێژا زێده‌تر ل عيراقێ بوويه.
د ڤێ راپۆرتێ دا هاتيه كو نێزيكى 18 هزار كه‌سان د كرياريێن تيرۆرستى يێن سالا 2013 دا شه‌هيد بووينه.
ستيڤ كليليا رێڤه‌به‌رى په‌يمانگه‌ها ئابوور و ئاشتى دا زانين كو زێده‌بوونا رێژا ڤێ دووماهيێ يا كرياريێن تيرۆرستى ژ ئه‌گه‌رێ شه‌رێ ناڤخۆ يێ به‌رده‌وامێ سوريا ژى نه.
زێده‌تر گۆت: “به‌رده‌واميا شه‌رى ل سوريا رێخۆشكه‌ر بوو كو ئه‌و شه‌ر بۆ ناڤا عيراقێ ژى بهێته ڤه‌گوهاستن و ده‌ليڤه بۆ تيرۆرێ خۆشتر لێ بهێت.
ب گۆره‌ى راپۆرتا ڤێ ڤه‌كۆلينێ پێنج وه‌لاتێن سه‌ره‌كى كو عيراق و ئه‌ڤغانستان و پاكستان و نيچيريا و سوريانه، 80% ژ رێژا كوشتيان پێك دئينن، ئه‌وێن ژ ئه‌نجامێن كريارێن تيرۆرستى ل سالا 2013 هاتينه كوشتن كو ل عيراقێ ب تنێ زێده‌ترى شه‌ش هزار كه‌سان هاتينه كوشتن.
هه‌ر ئێك ژ سومال و فليپين و يه‌مه‌ن و تايله‌ند ژى ب رێژا ئێك هه‌تا سێ ژى سه‌دێ يا كوشتيان ب به‌ر دكه‌ڤيت.
