كشتوكاڵی كه‌ركوك مه‌ترسی هه‌یه داعش به‌روبومی جووتیاران بسوتێنێت
ئه‌ڤرۆ نیۆز، عه‌زیز هه‌ورامی:
پاش 16ی ئۆكتۆبه‌ری ساڵی 2017 پاشه‌كشێ پێشمه‌رگه له كه‌ركوك و ناوچه‌كانی تری ده‌ره‌وه‌ی ئیداره‌ی هه‌رێمی كوردستان، پاشماوه‌كانی داعش و عه‌ره‌بی هاورده به‌روبوومی كشتوكاڵی جووتیارانی كورد ده‌سوتێنن.
مه‌هدی كاكه‌یی به‌ڕێوه‌به‌ری كشتوكاڵی پارێزگای كه‌ركوك ،به ئه‌ڤرۆ نیۆزی ڕاگه‌یاند:” له 15/5 هه‌موو ساڵێك وه‌رزی دوورینه‌وه‌ی به‌رهه‌می كشتوكاڵی گه‌نم و جۆیه له كه‌ركوك ، له پاش ڕوداوه‌كانی 16ی ئۆكتۆبه‌ری 2017 چه‌كدارانی داعش ساڵانه له‌م وه‌رزه‌دا به‌رهه‌می جووتیارانی كورد ئاگر تێبه‌رده‌ده‌ن.
مه‌هدی كاكیی وتیشی:” ئه‌مساڵیش مه‌ترسی له‌سه‌ر به‌رهه‌میی كشتوكاڵی كه‌ركوك هه‌یه و داعش بۆ ئه‌وه‌ی ناوه‌كه بكاته دووكه‌ڵ و له چاوی هێزی ئاسمانییه‌كانی هاوپه‌یمانان و عێراق خۆیان بپارێزن ، به‌روبوومی كشتوكاڵ و پوشوو پاوانی كه‌ركوك ئاگر تێبه‌رده‌ده‌ن.
هه‌روه‌ها زیاتر وتی :” پێویسته جووتیاران ئاگر بڕی به‌رهه‌می گه‌نم و جۆ بكه‌ن و كشتوكاڵه‌كه‌یان له فه‌وتاندن بپارێزن، وه تیمه‌كانی به‌رگری شارستانیش ئاماده‌ییه ، بۆ هه‌رئه‌گه‌رێكی ئاگركه‌وتنه‌وه.
زیانیاری زیاتریدا و ده‌ڵێ:” ده‌ستی عه‌ره‌بی هاورده‌ش هه‌یه له سوتاندنی به‌رهه‌میی كشتوكاڵی جووتیارانی كورد ، چونكه ئێسته عه‌ره‌بی هاورده جارێكی تر گه‌ڕاونه‌ته‌وه ناوچه‌كه و زه‌وی و زاری جووتیارانی كورد داگیرده‌كه‌نه‌وه ، ئه‌وانه‌شیان بۆیان وه‌رنه‌گیردرێته‌وه به‌رهه‌مه‌كانیان ده‌سوتێنن.