كـوردبـوون نـە بتنێ د بـەرفـرەهیان دایە
بێوار حەمدی
ئەگەر چاڤخشاندنەكا بچویك ژی بكەین دێ زانین كا رامان ژ كوردبوونێ چیە؟ و هەر ژدەسپێكێ كوردان چ نەخۆشی و دەردەسەری دیتی نە، بۆ نموونە: ئەگەر بێژینە دانعەمرەكێ كورد كوبومە چەندەكێ بەحسی كوردبوونێ بكەت گومان تێدانینە كودێ بیراوی ل چەندین نەخۆەشیان هێت بەری خوەشیان و رەنگە رۆندك رویێن وی داگیر بكەن، بابەت ل ڤێرە باهرا پتر ل گەل نفشێ نوی و تەكنۆلوژیایێ دگونجیت نەك نفشەكێ زێڕین یێن كو پتر د ئاتافان دا مەزن بووین و بهایێ كوردبوونێ و وەلاتی وەكو چاڤێن خوە پاراستی، پتریا مە مرۆڤان دەمێ هەڤالەك ژی هەبیت دەمێ د بەرتەنگاڤیان دا دەستێ وی دگریت رەنگە پتر پێ كەیفخۆش دبیت و بوهایێ وی كەسی پتر دزانیت ژ وی یێ كو بتنێ د خۆشیان دا ل گەل بیت، میناكامە یا ئێكێ ل دۆر وان كەسانە یێن بتنێ وەك ئاخفتن خوە ب كورد دبینن نە ب كریار، كەسەك ب ساناهی دشێت وەلاتێ خوە بهێلیت و بچیتە ژدەرڤەی وەلاتی بژیت و ژنوی ل وێرێ وەلاتی ل بەر خوە شرین دكەت، یان ژی كەسەك كو دئاهەنگ و بەرفرەهیێن وەلاتی دا پشكدارە و خۆشیێ ب سروشت و جوانیا وەلاتی دبەت، لێ دبیت بۆ كێلیكەكێ ژی یێ بەرهەڤ نەبیت ڕۆژەكێ بەرگریێ ژ ئاخا خۆ بكەت یان ژی هەرچ نەبیت ب هندەك ئاخفتنان و پەیڤێن شرین بەرگریێ ژ وەلاتێ خۆ بكەت، گەر هەر ئێك ژ مە وەك تاك بتنێ هزرا خوە بكەت دێ زانیت كا مە چەند دوژمن و نە حەزێن وەلاتی هەنە، ئەڤرۆ ب ساناهی و ب ڕێیێن سۆشیال مەدیایێ یێ ترانەپێكرنێ و سڤكاتیێ ب كوردبوونامە دكەن و بزاڤان دكەن ئالایێ مەیێ پیرۆز بێ بها بكەن، ئەڤجا گەلەك یا پێدڤیە ل ڤێرە ب تایبەتی دایك وباب زارۆیێن خوە وەكو خەم خۆرێن وەلاتی پەروەردە بكەن و كوردبوونێ د چاڤێن وان دا مەزن و ب بوها بكەن، چاوا دایكەك یا بەرپرسە ژ خۆدانكرنا زارۆكێ خوە وەسا یا بەرپرسە ژ وەلات و ئاخا خۆ ژی، ناڤێ كورد و كوردستانی بلند راگرن دا نەبینە نێچیرەكا ب ساناهی بۆ دەڤێ دوژمنی، هەردەم بلا درووشمێ مە بژیت كورد و كوردستان بیت.
