كلیپەكا نوو بەلاڤكر
زنار تۆڤی
سترانبێژ (ئدریس مەلا حەكیم) نووترین بەرهەمێ خۆ یێ هونەری، ب قالبەكێ درامی یێ پری سۆز ب ناڤێ (گیانێ من) بەلاڤكر، ئەو سترانە دەربڕینێ ژ داستانەكا كوور یا ڤەقەتیانێ و حەسرەتێ دناڤبەرا باب و كچەكێ دا دكەت.
ناڤهاتی گۆت: ئەڤ بەرهەمە وەكو پەیوەندیەكا ب هێز یا دناڤبەرا باب و كچەكێ دا نیشا ددەت، هەروەسا ئەڤ بەرهەمە بتنێ ستران و مۆزیك نینە، بەلكو گەهاندنا پەیامەكا پری هیڤی و دلسۆزیێ یە بۆ هەموو ئەوان بابێن ژ ئەگەرێ دووریێ و ڤەقەتیاین ژ زارۆكێن خۆ، تووشی ئازارێن ژیانێ بووین، هەروەسا تێگەهێ ڤێ كلیپێ تەكەزیێ ل هندێ دكەت، كو بەرۆڤاژی ئەزموونا ڤەقەتیانێ، سۆزا راستەقینە یا بابێ و هیڤیا دوبارە گەهشتن و دیتنا ئێك چ جارا ژناڤ ناچیت.
ل دووماهیێ گۆت: پەیڤێن ڤی بەرهەمی ب هەڤپشكی ژلایێ كامەران هەولێری و شیركۆ ئەحمەد ڤە هاتیە نڤیسین و ئاوازا وێ ژی ژلایێ كامەران هەولێری ڤە هاتیە دانان، هەروەسا دانا محەمەد كارێ سیناریۆیێ و دەرهینانێ بۆ ئەنجام دایە، یوسف ستاری كارێ وێنەگرتنێ بۆ ڤێ كلیپێ كریە، ژلایێ موزیكێ ڤە، گرۆپێ كورد سترینگ ل گەل زانا ئەنوەر بۆ ژەنینا قانوونێ پشكداری د ڤی بەرهەمی دا كریە و هونەرمەند ئدریس مەلا حەكیمی ب خۆ ئامیرێ عودێ ژەنیە.
