كلیپەكا نوو بەلاڤكر
زنار تۆڤی
سترانبێژ (حەمە رەئوف كەركووكی) نووترین بەرهەمێ خۆ ب ناڤێ (مەرگێ من قەرسی) بەلاڤكر و دبێژیت: دڤی بەرهەمی دا من بزاڤكرینە مۆزیك و سترانێ ب رەنگەكێ جودا و سەرنجراكێش بگەهینمە دلێ هەموو حەزژێكەرێن سترانا كوردی
ناڤهاتی گۆت ژی: هەلبەستا ڤی سترانێ من یێ نوو یا عەتا كلاسیكە و من ب خۆ ئاواز بۆ دانایە، كارێ مۆزیكا بەرهەمی ژلایێ خەلیل عەبدوللا ڤە هاتیە ئامادەكرن و هژمارەكا مۆزیكژەنان د تۆماركرنا ڤی بەرهەمی دا پشكداربووینە، هەروەسا بلند قەرەداخی كەمانچە و ڤیۆلا ژەنیە، خەلیل عەبدوللای عۆد و ترۆمپێت، هەروەسا كارێ تۆماركرنا ڤی بەرهەمی ژلایێ بلند قەرەداخی ڤە هاتیە كرن، ئەڤ سترانە ب رەنگەكێ جودا ژ بەرهەمێن من یێن بەری نوكە هاتیە چێكرن، ئەو ژی ب تێكەلكرنا شێوازێ پاپ و سۆنەت، رەنگەكێ نوو و تایبەت دا یە كارێ من و من بزاڤكریە مۆزیك و سترانێ ب شێوەكێ جودا و سەرنجراكێش بگەهیتە هەموو خەلكێ كوردستانێ.
