كه‌ته‌لونیا ریفراندوما خو ده‌ستپێكر
ئه‌ڤرۆنیۆز، ناجی به‌ده‌ل:
ئه‌ڤرۆ ریفراندوما سه‌ربه‌خویا هه‌رێما كه‌ته‌لونیا ل ئیسپانیا برێڤه چو هه‌رچه‌نده لگوری بریاره‌كا دستوری یا حكومه‌تا ئیسپانیا ب نه یاسایی ل قه‌له‌م دا بو به‌لێ ئیدارا هه‌رێما كه‌ته‌لونیا رژدبو ل سه‌ر ئه‌نجامدانا ئه‌وێ ریفراندومێ.
رۆگه‌ر ئالبینیانا وه‌زیرێ ده‌رڤه‌یێ ئیدارا هه‌رێما كه‌ته‌لونیا د داخویانیه‌كا رۆژنامه‌ڤانیێ دا ئاماژه ب وێ چه‌ندێ كر دو سال به‌رده‌سته و ئه‌ڤرۆ بتنێ ئازادیا راده‌ربرینێ یه و ئه‌نجامدانا تاقیكرنێ یه .
ئالبینیانا دیاركر دادگه‌ها دستوری ل سه‌ر راوه‌ستاندنا ده‌مكی بریاردایه به‌لێ هێشتا حكومه‌تا ئیسپانیا بریارا دوماهیێ نه‌دایه و رادگه‌هینیت كو ئه‌و ده‌نگدانا فه‌رمی و شه‌رعیه و ئه‌ڤرۆ ل 947 باژێرڤانێن هه‌ریما كه‌ته‌لونیا سندوقێن هه‌لبژارتنێ داناینه بو ریفراندومێ.
وه‌زیرێ ده‌رڤه‌یێ هه‌رێمێ دیاركر ل ده‌مێ ده‌نگدانێ دا ئاسایشا ئیسپانیا ب چ شێوه‌یه‌كی ده‌ستێوه‌ردانێ ناكه‌ت و ئه‌گه‌ر هێزێن ئه‌مینی یێن ئیسپانیا چونه‌سه‌ر بنگه‌هێن ده‌نگدانێ ئه‌و ل گه‌ل دیموكراسیا ئیسپانیا ناكونجیت.
وه‌لاتیێن هه‌ریما كه‌ته‌لونیا ل سه‌دا 80 دڤێن ل سه‌ر پاشه‌رۆژا خو بریارێ بده‌ن ئه‌گه‌ر ده‌نگدان ب به‌لێ ژ سه‌دا 51 ده‌رباز بو ئه‌و دێ به‌رده‌وام بن د بزاڤێن خودا د دانوستاندنان ل گه‌ل ده‌وله‌تا ئیسپانیا ده‌ربارێ سه‌ربه‌خویا هه‌ریما كه‌ته‌لونیا.
پشتی ب دوماهیك هاتنا ریفراندومێ دێ ئه‌نجامێن وێ ل ده‌مێن پێشیا مه هێنه راگه‌هاندن بو دیاركرنا سه‌ربه‌خوبونا وێ هه‌ریمێ یان به‌رده‌وامبونا وێ ل بن سیبه‌را ده‌وله‌تا ئیسپانیا.
