كه‌ركووك.. پێشمه‌رگه‌ى هێرشه‌كا داعشێ تێكشكاند
ئه‌ڤرۆ نیۆز:
ئه‌ڤرۆ سپێدێ ل میحوه‌رێ دۆبز ل پارێزگه‌ها كه‌ركووكێ پێشمه‌رگێن هه‌رێما كوردستانێ هێرشه‌كا داعشێ تێكشاندن و زیانه‌كا مه‌زن ب چه‌كدارێن تیرۆرستێن داعشێ گه‌هاندن.
عه‌قید (روال عه‌لى ) به‌رپرسێ فه‌وجا 3 یا لیوا 2 یا هێزێن پێشمه‌رگه‌ى دداخوییانیه‌كێ دا بۆ خه‌ندان گۆت: چه‌كدارێن داعشێ ئه‌ڤرۆ سپێدێ هێرش كرنه سه‌ر بنگه‌هێن پێشمه‌رگه‌ى ل گوندێ (خراب رۆته) یا سه‌ر ب قه‌زا دۆبز ڤه ل كه‌ركووكێ، ئاماژه‌دا، هێزێن پێشمه‌رگه‌ى ئه‌و هێرش تێكشكاندن و زیانه‌كا مه‌زن ژى ب داعشیان گه‌هاند.
هه‌ژى گۆتنێ یه گوندێ خراب رۆته د كه‌ڤیته سه‌ر رێیا كه‌ركووك مووسل، و هێزێن پێشمه‌رگه‌ى شیاینه پشتى وێ هێرشێ ب درێژاهیا 2 كیلومه‌تران پێشڤه‌چوونێ بكه‌ن كو به‌رى نها ئه‌و جه دده‌ستێن داعشێ دابوون.
