كه‌سه‌كى دو برازايێن خوه كوشتن
ئه‌ڤرۆنيوز:
ئەڤرۆنیوز،سەباح زوهێر:
ل گوندێ ئێک مالەیێ ل ناحیا روڤیا سەر ب قەزا بەردەرەش ل سەر کێشا زەڤی و زارا دو کەس هاتنە کۆشتن.
رەعەد رەشید، نوشدارێ نوبەدار ل نەخوه‌شخانا تەنگاڤیان ل ساخلەمیا ئاکرێ دیارکر کو ئەڤرۆ ل گوندێ ئێک مالەیێ ژ ئەنجامێ شەرەکێ ل سەر زەڤی و زارا مامەکێ دو برازایێن خوە کوشتن.
گۆت ژى کو ئه‌و هه‌ردو کەس ل ده‌ستپێكێ ب بريندارى هاتن هنارتن بۆ نەخوه‌شخانا تەنگاڤیان ل ئاکرێ، به‌لێ هه‌ردويان گیانێ خۆ ژ دەست دا، ل دوڤدا هاتنە رەوانەکرن بۆ نوشداریا داد ل پارێزگەها دهۆکێ و ڤەکۆلین ل سەر روودانێ یا بەردەوامە.
هەردو کەسێن گیانێ خۆ ژدەستداین گەنج بوون ب ناڤێ (کاوە سردار و حوسێن سەردار).
