كه‌شناسى ئاگه‌هداريا وه‌لاتيان دكه‌ت
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزا ل هه‌رێما كوردستانێ ئه‌ڤرۆ شه‌مبيێ 24/3/2018پێشبينيێن سه‌قاى بۆ دو رۆژێن بهێت به‌لاڤكرن وتێدا ئاماژه ب وێ چه‌ندێ كر كو ئه‌ڤرۆ ل هه‌موو پارێزگه‌هێن هه‌رێما كوردستانێ ئه‌سمان دێ عه‌ور بيت ول ده‌ڤه‌رێن چيايى ل هه‌ولێرێ ودهۆكێ دێ باران باريت.
ل دۆر ره‌وشا سه‌قايێ ئه‌ڤرۆ، كه‌شناسيا هه‌رێمێ وه‌لاتيان ئاگه‌هدار دكه‌ت كو ئه‌ڤرۆ پشتى نيڤرۆ با دێ زێده‌تر بيت وبيته ئه‌گه‌رێ بلندبوونا رێژا تۆزێ ل هه‌رێمێ ومه‌ودايێ ديتنێ ژى دێ ژ 100 متران كێمتر بيت.
دياركر ژى كو سوباهى ئێكشه‌مبى 25/3/2018 ل هه‌موو پارێزگه‌هێن هه‌رێما كوردستانێ دێ ئه‌سمان عه‌ور بيت وباران دێ باريت.
