كه‌شناسى رۆهنكرنه‌كێ ل دۆر پێله‌كا باران بارينێ دده‌ت
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئه‌ڤرۆ پێنجشه‌مبى 1/11/2018 راگه‌هاند كو پێله‌كا باران بارينێ دێ به‌ر ب هه‌رێما كوردستانێ ڤه هێت.
رێڤه‌به‌ريا ناڤبرى دياركر”ژئه‌گه‌رێ كاريگه‌ريا نزمه پاله‌پۆستويێ ده‌ريا سوور كو دێ گه‌هيته هه‌رێما كوردستانێ ژى ودێ بيته ئه‌گه‌رێ دروستبوونا نه‌سه‌قامگيريا سه‌قاى”.
خوياكر ژى”ل ئێڤاريا رۆژا ئێكشه‌مبى 4/11/2018 دێ ئه‌ڤ كاريگه‌ريه ل ده‌ستپێكێ ل ده‌ڤه‌رێن رۆژهه‌لاتا كوردستانێ ده‌ست پێكه‌ت وپاشى دێ كاريگه‌ريا ڤێ پێلێ زێده بيت ول رۆژا دوشه‌مبى 6/11/2018 دێ هه‌موو ده‌ڤه‌رێن هه‌رێما كوردستانێ ڤه‌گريت ودێ باران ل سه‌نته‌رێ پارێزگه‌هێن هه‌رێمێ باريت ولده‌ڤه‌رێن چيايى دێ بارانێن زۆر بارن ل گه‌ل دروستبوونا بريسيان”.
ئاماژه دا كو دوان رۆژان دا دێ پلێن گه‌رمێ دناڤبه‌را 2 هه‌تا 5 پله‌يان هێنه خوار ل گه‌ل زێده‌بوونا له‌زاتيا باى ول رۆژا پێنجشه‌مبى 9/11/2018 ئه‌و پێلا باران بارينێ دێ ب دووماهى هێت.
