كه‌نگى ده‌رگه‌هێ سه‌رزێرى دێ بيته نێڤده‌وله‌تى؟
ئەڤرۆ نیوز، نەوزاد ھلۆری:
پشتی کو ھەیاما بوری شاندەکا حوکمەتا عیراقێ سەرەدانا خالا گومرکی یا سەر زێری ل دەڤەرا بەرواری بالا کری ، سوزدا کو سەر زێر ببیتە دەرگەھەکێ نیڤدەولەتی.
سەربەست ئاکرەی رێڤەبەرێ ناحیا کانی ماسێ بۆ ئەڤرۆ نیوز گۆت: (خالا گومرکی یا سەر زێر ئێکە ژ خالێن ھەری بناڤ و دەنگ و گرنگ ل عیراقێ کو رۆژانە ھاتنوچونەکا زور لسەر ھەیە بەلێ یا تایبەتە ب گەشتوگۆزار و سەرەدانێن جڤاکی و نەخوشی و بارزگانیا سنووردار).
زێدەتر گۆت: (ددەما دوو سالێن بوری دا زێدەتر ژ 150 ھزار کەسان د رێیا سەرزێری ھاتنوچۆن کریە و رۆژ بو رۆژ بەر ب زێدەبوونێ ڤە دچیت ب تایبەتی د وەرزێن بوھار و ھاڤینێ ،ھەیاما بوری شاندەکا حوکمەتا عیراقێ ب نونەراتیا 15 وەزارەتێن عیراقێ سەرەدانا سەر زێری کر و سوزدایە کو حالا گومکری یا سەر زێر ببیتە دەرگەھەکێ نیڤدەولەتی و رەنگە سالا 2019 ئەڤ بریار بکەڤیتە دوارێ بجھکرنێ دا و بو ڤی َمەرەمێ ژی دیزانیەکا نوو ھاتیە چێکرن و دێ لسەر زێری ھەتا سەنتەرێ ناحیا کانی ماسێ ب خوڤە گریت و نێزیکێ 500 ملیون دینار بو ھاتینە تەرخانکرن).
ب گورەی ئاخفتنێن رێڤەبەرێ ناحیا کانی ماسێ نھا رۆژانە ھەتا نێزیکێ 800 کەسان ھاتنوچۆنێ دکەن و پرانیا وان ژی خەلکێ باکورێ کوردستانێ نە و سەرەدانا ھەرێما کوردستانێ دکەن.
