كه‌نگى دێ مووچێ هه‌يڤا 11 هێته به‌لاڤكرن؟
ئه‌ڤرۆ نيوز:
ژێده‌ره‌كێ ئاگه‌هدار ل حوكمه‌تا هه‌رێما كوردستانێ راگه‌هاند كو د ڤێ حه‌فتێ دا، هه‌موو وه‌زارتێن مووچێن هه‌يڤا 10 وه‌رنه‌گرتين دێ وه‌رگرن و مووچێ هه‌يڤا 11 دێ كه‌ڤيته ده‌سپێكا سالا نوو.
ئه‌ڤى ژێده‌رى بۆ باسنيوز ئاشكه‌را ژى كريه كو د ڤێ حه‌فتيێ دا هه‌موو ئه‌و وه‌زاره‌تێن مووچێ هه‌يڤا 10 وه‌رنه‌گرتين دێ وه‌رگرن و دێ كار كه‌ن ل سه‌ر وێ چه‌ندێ مووچێ هه‌يڤا 11 به‌رهه‌ڤ بكه‌ن.
دا زانين ژى كو دانا مووچێ هه‌يڤا 11 دێ چيته ده‌سپێكا سالا نوو ل گه‌ل گه‌هشتنا پشكا بودجێ يا هه‌رێما كوردستانێ و مووچێ سالا نوو ژى دێ د ده‌مێ خوه دا هێته به‌لاڤكرن و ئه‌ڤ قه‌رزێ مايى ژى حوكمه‌ت دێ بزاڤێ كه‌ت ل هه‌يڤێن ده‌سپێكێ يێن سالا نوو بده‌ت.
ژ ئه‌گه‌رێ قه‌يرانا دارايى يا ل ده‌سپێكا ئه‌ڤ ساله ژ ئه‌گه‌رێ برينا پشكا بودجا هه‌رێما كوردستانێ كێشه ل هه‌مبه‌ر پێدانا مووچێ فه‌رمانبه‌ران دروست بوويه و د ده‌مێ خوه دا پێ ناهێته دان.