كوتلا هادی عامری: ئەم ده‌نگی ب حوکمەتەکێ ناده‌ین یاكو كۆده‌نگیا نیشتیمانی ل سه‌ر نه‌بیت
ئەڤرۆ نیوز:
كوتلا فه‌تح ل پەرلەمانێ عیراقێ، كو هادی عامری، سه‌ركردێ رێكخراوا به‌در یا حه‌شدا شه‌عبی سه‌ركرداتیا وێ دکەت گۆتیە، ده‌نگێ خوە نادەینە حوکمەتەکێ کو كۆده‌نگیا نیشتمانی ل سه‌ر نه‌بیت و ئاماژه ب هندێ دا، كو محه‌مه‌د ته‌وفیق عه‌للاوی، ئاماژە ب وان رێبازان ژی کریە یێن کو سه‌رۆك وه‌زیرێن راسپاردی پێشكێشی په‌رله‌مانی كرین، لدووڤ گوتنا کۆتلا فه‌تح، سۆزا ئه‌نجامدانا هه‌ڵبژارتنێن پێشوه‌خت د كارنامێ عه‌للاوی دا یا روون نینه.
لدووڤ ئاژانسا نووچێن عیراقی، محه‌مه‌د غه‌بان، سه‌رۆكێ كوتلا فه‌تح راگه‌هاندیە: کو محه‌مه‌د عه‌للاوی، سه‌رۆك وه‌زیرێن راسپاردی ئه‌و كاندیده یێ كو پتریا كوتلێن سیاسی ل هەڤهاتن ل سه‌ر هه‌بوویه، ب وی مه‌رجی کو كابینا نوو ژ كه‌سێن سه‌ربه‌خۆ پێك بهێت و رێبازەکا حكومی ژی پێشكێش بكەت، كو پابه‌ندبوونا حكومه‌تێ ب ئه‌نجامدانا هه‌لبژارتنێن پێشوه‌خت تێدا بهێتە گرەنتی كرن.
گوتیە ژی: كوتلا فه‌تح ده‌نگ ب حكومه‌تەکێ نادەت، یا کو كۆده‌نگیا نیشتیمانی ل سه‌ر نه‌بیت.
