كورته ئینا بودجا عیراقێ كێشه‌كا سیاسی یه
ئه‌ڤرۆ نیۆزك، ناجی به‌ده‌ل:
به‌ریا نها هنده‌ك په‌رله‌مانتار و لایه‌نێن حكومه‌تا عیراقێ دانه خویاكرن بودجه‌یا عیراقێ د ئه‌ڤ ساله دا دێ توشی كورت ئنانی بیت .
د.هاشم زێباری ماموستا ل زانینگه‌ها نه‌وروز بو ئه‌ڤرۆ نیوز راگه‌هاند:بودجه‌یا عیراقێ توشی كورت ئینانێ نابیت چونكو ده‌ما هاتیه دانان مقدارێ پیڤانا وان به‌رمیل ب 90 دولاران لێ به‌ریا نها زێده‌تر ژ وی بهای فرۆتی یه و له‌ورا ب نێرینا من ئه‌ڤه بابه‌ته‌كێ پتر سیاسی نه‌ك ئابۆری و توشی كورت ئینانێ ژی نابیت.
ماموستایێ زانكویێ دیاركر ل سالا 2013 بو 2014 ژ وی بهایێ كو 90 دولار دیاركرن بو هه‌ر به‌رمیله‌كێ و پتر هاتیه فرتن و چ جارا ژ وی بهای نه‌هاتیه خوارێ و به‌لكو زێده‌تر بویه .
ناڤبری دیاركر ده‌ما بودجه‌یا عیراقێ ب 173 تریلیون دیناران هاته دانان یا سالا 2013 بۆ 2014 كو ئه‌وی ده‌می كێمترین بهایێ ته‌خمینكری 90 دولار بون لێ نا بینم پرسگریكه‌كا ئابۆری ل دیڤ بنه‌مایێن سیسته‌مێ ئابۆری به‌لكو پرسگریكه‌كا سیاسی یه .
د.هاشم زێباری ئه‌و چه‌نده‌ژی دیاركر ئه‌ڤه چه‌ند هه‌یڤه‌كه بهایێ وێ هاتیه خوارێ چ كاریگه‌ریا خو ل سه‌ر نابیت و داخوازیا جیهانێ ل سه‌ر په‌ترۆلی كێم بویه ژ ئه‌نجامێ هنده‌ك ده‌وله‌تین ئه‌ندام ل رێكخراوا ئوپێك په‌ترولا خو ب كێمتر د ئیخنه بازارێن جیهانی بو دفرۆشتن وه‌ك سعودی و كوێت و ئه‌و ده‌وله‌تێن نه‌فت لێ ده‌ركه‌تی و ئه‌ڤه ئه‌گه‌ری هاتنه خوارێ یا بهایێ په‌ترۆلێ ل بازارین جیهانی.
